დევნილთა, ეკომიგრანტთა და საარსებო წყაროებით უზრუნველყოფის სააგენტო ქუთაისში, ახალაშენებულ კორპუსებში ბინას კიდევ 60 დევნილ ოჯახს გადასცემს. ამის შესახებ ინფორმაციას დევნილთა სააგენტო ავრცელებს.
მათივე ცნობით, დღეს, ერთოთახიანი, ოროთახიანი, სამოთახიანი და ოთხოთახიანი ბინები კენჭისყრის პრინციპით განაწილდა.
„კენჭისყრის პროცედურის შედეგად, გამოვლინდა კონკრეტულად რომელ ბინას მიიღებენ დევნილი ოჯახები. ოთახების რაოდენობა ოჯახის სულადობის მიხედვით განისაზღვრება.
60 დევნილ ოჯახს ახალი ბინის გასაღები უახლოეს დღეებში გადაეცემა“, - აღნიშნულია ინფორმაციაში