მაია ცქიტიშვილი - ერთიანი ნარჩენების მართვის პროგრამის ფარგლებში რეგიონული ნაგავსაყრელების პრინციპზე გადავდივართ

ვიცე-პრემიერის, რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, ერთიანი ნარჩენების მართვის პროგრამის ფარგლებში, რეგიონებში 7 ნაგავსაყრელის მშენებლობა იგეგმება.

მაია ცქიტიშვილმა ხაზი გაუსვა, რომ ნარჩენების მართვა ძალიან კომპლექსური და მნიშვნელოვანი საკითხია.

"ჩვენ ვოპერირებთ 54 ნაგავსაყრელს, აქედან 24 დაიხურა, რადგანაც არ შეესაბამებოდა არანაირ სტანდარტს. 30 ნაგავსაყრელის რეაბილიტაცია მოხერხდა, თუმცა, ეს არის დროებითი გამოსავალი, ვინაიდან, ჩვენ ერთიანი ნარჩენების მართვის პროგრამის ფარგლებში რეგიონული ნაგავსაყრელების პრინციპზე გადავდივართ. ამ პროექტების განხორციელება მიმდინარეობს სხვადასხვა დინამიკით და ადგილობრივი თვითმმართველობის მაჟორიტარების დახმარებაც დაგვჭირდება იმისთვის, რომ მოსახლეობასთან უფრო აქტიურად ვიმუშაოთ, რადგანაც სამწუხაროდ, სამეზობლოდ არავის უნდა ჰქონდეს ნაგავსაყრელი და შესაბამისად უშუალოდ ადგილობრივ მუნიციპალიტეტებთან, მოსახლეობასთან დიალოგი საკმაოდ ხანგრძლივი პროცესია. თუმცა, ბუნებრივია ეს არის ჩვენი ერთ-ერთი არჩეული გზა, ვალდებულება და რა თქმა უნდა, ჩვენ ამ მიმართულებით გავაგრძელებთ მუშაობას.

ჩვენ ვგეგმავთ შავი ზღვის, გურიის სანაპიროზე უფრო აქტიურად ჩაერთონ ამ ნარჩენების პრობლემის მოგვარებაში, რისთვისაც დამატებითი ინვესტიციები გვაქვს დაგეგმილი, როგორც სპეციალური ტექნიკისთვის, ასევე დამატებით ადამიანური რესურსებისთვის, რათა მუნიციპალიტეტს დავეხმაროთ იქ არსებული პრობლემის მოგვარებაში. ეს იქნება დროებითი და შემდგომში ისევ მუნიციპალიტეტი გააგრძელებს მისი კომპეტენციის შესრულებას", - აღნიშნა პირველმა ვიცე-პრემიერმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა