ადამიანის უფლებათა ევროპული სასამართლო რუსეთს ალექსეი ნავალნის დაუყოვნებლივ გათავისუფლებისკენ მოუწოდებს

ადამიანის უფლებათა ევროპული სასამართლო რუსეთს დაპატიმრებული ოპოზიციონერის ალექსეი ნავალნის დაუყოვნებლივ გათავისუფლებისკენ მოუწოდებს.

სასამართლოს მიერ გამოქვეყნებული ინფორმაციის თანახმად, მან მიიღო გადაწყვეტილება რუსეთის მთავრობას ნავალნის გათავისუფლების თაობაზე სასამართლოს რეგლამენტის 39-ე წესის თანახმად და მიუთითებს, რომ ეს ღონისძიება გამოიყენება დაუყოვნებლივ.

აქვე საუბარია, რომ სასამართლომ გაითვალისწინა განმცხადებლის სიცოცხლისთვის არსებული საშიშროების ხასიათი და დონე. სასამართლო რეგლამენტის 39-ე წესს მაშინ იყენებს, თუ განმცხადებლის ჯანმრთელობის ან სიცოცხლისთვის არსებულ საფრთხეებს ხედავს.

რუსეთის იუსტიციის მინისტრი, კონსტანტინ ჩუიჩენკო აცხადებს, რომ მოთხოვნა ალექსეი ნავალნის პატიმრობიდან გათავისუფლების შესახებ არ არის აღსრულებადი, რომ ის ეწინააღმდეგება რუსეთის კანონმდებლობას და არ შეიცავს მითითებებს კანონის უზენაესობასთან დაკავშირებით.

„ადამიანის უფლებათა ევროპული სასამართლოსგან მიღებული მოთხოვნა ნავალნის გათავისუფლებასთან დაკავშირებით უპრეცედენტოა რამდენიმე მიზეზის გამო. პირველ რიგში, ეს არის სუვერენული სახელმწიფოს სასამართლო საქმიანობაში აშკარა და უხეში ჩარევა”, - აცხადებს მინისტრი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს