ფრიდონ ინჯია - ეროვნული მარეგულირებელი კომისიის მუშაობასთან დაკავშირებით სერიოზული კითხვები არსებობს

„ევროპელი სოციალისტების“ ლიდერი, პარლამენტის წევრი ფრიდონ ინჯია ეროვნული მარეგულირებელი კომისიის მუშაობაში თემატური მოკვლევის ჩატარებას მოითხოვს. ამის შესახებ ინფორმაციას „ევროპელი სოციალისტები“ ავრცელებს.

ფრიდონ ინჯიამ აღნიშნული საკითხი პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე დააყენა, სადაც დღის წესრიგით გათვალისწინებული იყო კომიტეტის საქმიანობის 2021 წლის სამოქმედო გეგმის დამტკიცება.

„არსებობს სერიოზული, არგუმენტირებული შეკითხვები მარეგულირებელი კომისიის მუშაობასთან დაკავშირებით. დარღვევები იმდენად დიდია, რომ არ გამოვრიცხავ საჭირო გახდეს სპეციალური საგამოძიებო კომისიის შექმნა. მიმაჩნია მიზანშეწონილად, რომ სანამ მარეგულირებელი კომისია მუშაობის შესახებ პარლამენტს წარუდგენს ანგარიშს, უნდა მოხდეს მისი საქმიანობის თემატური მოკვლევა“, - განაცხადა ფრიდონ ინჯიამ.

„ევროპელი სოციალისტების“ ლიდერს მიაჩნია, რომ აუცილებელია საპარლამენტო კომიტეტების სტატუსის უფრო მაღალ დონეზე აყვანა, მით უფრო, ამას ისედაც ითვალისწინებს როგორც საქართველოს კონსტიტუცია, ასევე საქართველოს პარლამენტის რეგლამენტი.

„ვინაიდან, ჩვენი ქვეყნის კონსტიტუციური მოწყობა გახლავთ საპარლამენტო რესპუბლიკა, მიზანშეწონილად მიმაჩნია, რომ მნიშვნელოვან გადაწყვეტილებებთან, კანონების შესრულებასთან მიმართებაში უნდა იყოს გაძლიერებული საპარლამენტო კონტროლი. მე ვისურვებდი, რომ დარგობრივი ეკონომიკისა და ეკონომიკური პოლიტიკის 2021 წლის სამოქმედო გეგმაში და საერთოდ პარლამენტის საქმიანობაში ეს ხაზი იყოს უფრო მეტად გამოკვეთილი“, - განაცხადა ფრიდონ ინჯიამ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა