ახლა არის შანსი იმისა, რომ პოლარიზაცია, რომელიც „ქართულმა ოცნებამ“ არაკორექტული ნაბიჯებით შექმნა, იყოს განმუხტული და წავიდეთ წინ. თუ ამ გადაწყვეტილებას არ მიიღებენ, მთელი პასუხისმგებლობა იქნება მათზე, - ამის შესახებ „ევროპული საქართველოს“ ერთ-ერთმა ლიდერმა, სერგი კაპანაძემ გიორგი გახარიას თანამდებობის დატოვებაზე საუბრისას განაცხადა.
მისივე თქმით, კრიზისის განმუხტვის ერთადერთი გამოსავალი იმ საკითხზე დიალოგის წარმოებაა, რომლებზეც ოპოზიცია პასუხის მიღებას ცდილობს.
„ამ მნიშვნელოვანი მაგრამ მცირე უკან დახევის შემდეგ რაც გამოიხატა გახარიას გადადგომაში და სპეცოპერაციის ჩატარებაზე დროებით უარის თქმაში, მნიშვნელოვანია ყველა ჩვენგანმა, პირველ რიგში ხელისუფლების იმ ნაწილმა, რომლებიც „ქართულ ოცნებაში” დარჩნენ და ილუზია აქვთ, რომ ძალის გამოყენებით მიზანს მიაღწიონ, ისეთი ნაბიჯები გადავდგათ, რომელიც ამ სიტუაციას ბოლომდე განმუხტავს. ამისთვის ერთადერთი გამოსავალია დიალოგის წარმოება იმ საკითხზე, რომელზეც ვცდილობთ პასუხის მიღებას.
ახლა არის შანსი იმისა, რომ პოლარიზაცია, რომელიც „ქართულმა ოცნებამ” არაკორექტული ნაბიჯებით შექმნა, იყოს განმუხტული და წავიდეთ წინ. თუ ამ გადაწყვეტილებას არ მიიღებენ, მთელი პასუხისმგებლობა იქნება მათზე, ამიტომ ჩვენს პარტნიორებთან იყვნენ კომუნიკაციაზე და უახლოეს მომავალში წამოვიდნენ დიალოგზე, რომ ეს კრიზისი იყოს დაძლეული”, - აღნიშნა სერგი კაპანაძემ.