ვისოლ ჯგუფმა რიგით მე-6 სავაჭრო ცენტრი, "ფოთი მოლი" გახსნა

"ვისოლ ჯგუფის" შვილობილმა კომპანია “MP Development” -მა ქ. ფოთში სავაჭრო ცენტრი „ფოთი მოლი“ გახსნა.

როგორც "ვისოლ ჯგუფის" პრეზიდენტმა, სოსო ფხაკაძემ, აღნიშნა, ეს „ვისოლ ჯგუფის“ რიგით მე-6 სავაჭრო ცენტრია, სადაც 150-მდე ადგილობრივი დასაქმდა.

ზოგადად სავაჭრო ცენტრების მშენებლობა ჩვენი ჯგუფისთვის ერთ-ერთი მნიშვნელოვანი მიმართულებაა. „ფოთი მოლი“ - არის ჩვენი რიგით მეექვსე სავაჭრო ცენტრი. ის ფაქტი, რომ ეს მოლი ქ. ფოთში გაიხსნა განსაკუთრებულად გვახარებს, რადგან იგი პირველი სავაჭრო ცენტრიქ. ფოთისთვის და ამ ფაქტს განსაკუთრებული სიხარულით შეხვდა ადგილობრივი მოსახლეობა. ამ სავაჭრო ცენტრის გახსნით შეიქმნა საკმაოდ თანამედროვე და კარგი სივრცე. ვფიქრობთ, შენობაც საინტერესო არქიტექტურით გამოირჩევა“, - აღნიშნა სოსო ფხაკაძემ.

"ფოთი მოლში" რამდენიმე ცნობილი ბრენდია წარმოდგენილი, მათ შორისაა „ვისოლ ჯგუფის“ პარტნიორი კომპანია „კარფური“. როგორც სოსო ფხაკაძემ განმარტა, ამ ეტაპზე დამატებით რამდენიმე სხვა ცნობილ ბრენდთან მიმდინარეობს მოლაპარაკებები.

"ფოთი მოლი" ქალაქის ცენტრში მდებარეობს და 3000 კვადრატულ მეტრს მოიცავს. სავაჭრო ცენტრში კი სავაჭრო ფართები ორ სართულზეა განთავსებული.

"განსაკუთრებით რეგიონებში სხვადასხვა ტიპის ბიზნესების განვითარება, ვფიქრობ, წინ გადადგმული ნაბიჯია. დარწმუნებული ვარ, რომ ბევრი ბიზნეს კომპანია ვითარდება რეგიონებში და ყველას მოვუწოდებ, რომ ჩვენი ქვეყნის რეგიონალური განვითარების პერსპექტივებით კიდევ უფრო მეტად დაინტერესდეთ.“ - აღნიშნა სოსო ფხაკაძემ.

"ფოთი მოლის" პროექტის საინვესტიციო ღირებულება 6 მილიონ ლარს შეადგენს. რაც შეეხება ამ მიმართულებით სამომავლო გეგმებს, "ვისოლ ჯგუფი" რიგით მე-7 სავაჭრო ცენტრს ქ. რუსთავში მიმდინარე წლის მეორე ნახევარში გახსნის, სადაც შენობის საერთო ფართი 20. 000 კვადრატული მეტრი იქნება.

რაც შეეხება ქ. ფოთს, გარკვეული პერიოდის განმავლობაში დავაკვირდებით სავაჭრო ცენტრის მუშაობას და შემდეგ მივიღებთ გადაწყვეტილებას როდის შევიდეთ ამ ქალაქში ჩვენს ჯგუფში შემავალი სხვა ბრენდებითაც“, - აღნიშნა სოსო ფხაკაძემ.

(R)

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!