დავით ბაქრაძე - ჩემი რჩევა ნიკა მელიას მიმართ იქნებოდა, ვიდრე ვითარება პოლიტიკურად არ გაირკვევა და არ დალაგდება, თავი აარიდოს გარეთ გასვლას და ხელისუფლების მხრიდან პროვოცირების შესაძლებლობას

ჩემი რჩევა ნიკა მელიას მიმართ იქნებოდა, რომ ვიდრე ვითარება პოლიტიკურად არ გაირკვევა და არ დალაგდება, თავი აარიდოს გარეთ გასვლას და ხელისუფლების მხრიდან პროვოცირების შესაძლებლობას,- ამის შესახებ „ევროპული საქართველოს“ ლიდერმა დავით ბაქრაძემ ჟურნალისტებთან განაცხადა.

მისივე თქმით, როდესაც „ქართული ოცნების“ რადიკალური ნაწილი ჯერ კიდევ მთავარ ამოცანად მიიჩნევს არა ამ ქვეყანაში მშვიდობას, არამედ საკუთარი ძალაუფლების დემონსტრირების გამო, ქვეყნის სამოქალაქო დაპირისპირებამდე მიყვანას, საფრთხე არსებობს.

„როცა ასე უყურებს დღევანდელი „ოცნების“ ხელისუფლება, რა თქმა უნდა, საფრთხე არსებობს, ამიტომ ჩემი რჩევა ნიკა მელიას მიმართ იქნებოდა, რომ სანამ ვითარება პოლიტიკურად არ გაირკვევა და არ დალაგდება, თავი აარიდოს გარეთ გასვლას, თავი აარიდოს ხელისუფლების მხრიდან პროვოცირების შესაძლებლობას და ნუ მივცემთ შანსს ხელისუფლებას, რომ ამ შემთხვევაში და ამ საქმეში, სადაც თავიდან ბოლომდე მტყუანია, მიაღწიოს ისეთ გამარჯვებას, რომელიც შემდეგ ქვეყანაში მოიტანს კიდევ დაპირისპირებას და დაძაბულობის მორიგ ტალღას,“- განაცხადა დავით ბაქრაძემ.

მისივე თქმით, დღეს ქვეყანაში არსებობს მოვლენების განვითარების ორი სცენარი და პირველი, გულისხმობს მეტ აგრესიას და დღევანდელი კრიზისის მეტად გაღრმავებას. ბაქრაძის თქმით, მოვლენების ამ სცენარით განვითარება „ქართულ ოცნებას“ სურს.

„ყველამ უნდა გაიგოს, რომ ეს არის გზა, რომელიც დაღუპვამდე მიიყვანს „ქართულ ოცნებას“, მაგრამ დააზიანებს ქართულ სახელმწიფოსაც, ამიტომ თუ „ქართული ოცნების“ რადიკალური ჯგუფი მზად არის, რომ საკუთარ სკამებს და საკუთარი ძალაუფლების ხიბლს გადააყოლოს ქართული სახელმწიფო, ჩვენი ქვეყნის და ჩვენი მოქალაქეების მომავალი, ეს იქნება მათი არჩევანი, რომელიც, პირველ რიგში, ამ ჯგუფს და „ქართულ ოცნებას“ დაასრულებს.

მეორე გზა არის დიალოგის გზა, გზა იმისკენ, რომ მოვძებნოთ საერთო წერტილები და მოვძებნოთ ამ კრიზისიდან მშვიდობიანი გამოსავალი და ეს მშვიდობიანი გზა გადის ელჩების მონაწილეობით მოლაპარაკებაზე, საარჩევნო სისტემის შეცვლაზე, ახალ არჩევნებზე და ვითარების დამშვიდებაზე. ეს არის გზა, რომელსაც ირჩევს ოპოზიცია. ჩვენი ამოცანა არ არის კონფრონტაცია, ჩვენი ამოცანა არ არის ამ ქვეყანაში არეულობა და დაძაბულობა, დღესვე მზად ვართ დავსხდეთ მოლაპარაკებათა მაგიდასთან ელჩების მონაწილეობით, დღესვე დავიწყოთ საუბარი იმ კრიზისიდან გამოსავალზე, რომელშიც „ქართული ოცნების“ რადიკალებმა შეგვიყვანეს ყველა ერთად,“- განაცხადა ბაქრაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა