გიგი უგულავა - ფაქტია, რომ ხელისუფლება კრიზისს უყურებს როგორც სირაქლემა, რაც არ უნდა თავი ჩარგონ, კრიზისი მაინც კრიზისად დარჩება

ფაქტია, რომ ხელისუფლება კრიზისს უყურებს როგორც სირაქლემა, რაც არ უნდა თავი ჩარგონ, კრიზისი მაინც კრიზისად დარჩება, - ამის შესახებ „ევროპული საქართველოს“ ერთ-ერთმა ლიდერმა, გიგი უგულავამ „ნაციონალური მოძრაობის“ ოფისში განაცხადა.

მისივე თქმით, „ნაციონალური მოძრაობის“ ოფისში მოქმედებას ჩვეული რეჟიმით, ერთ დიდ ოჯახად აგრძელებენ.

„კრიზისი გაღრმავდა მას შემდეგ, რაც გახარია გადადგა. ბევრი აქებდა მის გადაწყვეტილებას. მე მიმაჩნია, რომ გახარიასგან პრემიერ-მინისტრი დადგებოდა მაშინ, როდესაც არა თვითონ გადადგებოდა, არამედ გადააყენებდა იმათ, ვინც უკანონო ბრძანების შესრულებას აპირებდა. ვგულისხმობ შს მინისტრს და დანარჩენებს, თუ არიან ასეთი ცხელთავიანები მთავრობაში.

ჩვენ უკვე ცალსახად ვხედავთ ხელისუფლების მიმართ ცალსახა მოწოდებას, რომ არ გამოიყენონ ძალა და დაუბრუნდნენ მოლაპარაკებების მაგიდას, ეს არის ოპოზიციის საერთო მოთხოვნა. მოლაპარაკებები დატოვა ხელისუფლებამ მას შემდეგ, რაც გადაწყვიტა დაპატიმრებების გზით იაროს. შარშან მოხდა ანალოგიური, როდესაც დამიჭირეს მე და ამით ჩაშალეს მოლაპარაკებები. ერთი და იმავე ფოცხს ფეხს აბიჯებს მთავრობა, მათ ჭკუა არ ჰყოფნით და იგივეს აგრძელებენ.

როგორი რეჟიმითაც ვართ, იმ რეჟიმით გავაგრძელებთ, ვიკრიბებით, ვსაუბრობთ, ძველ დროს ვიხსენებთ. აქ ბევრი ადამიანი მოდის, მათ შორის დაპირისპირებული წარსულით, ვცდილობთ ერთმანეთის შერიგებას და ჯერჯერობით ვახერხებთ. ვესაუბრებით ხოლმე რაიონიდან ჩამოსულ სხვადასხვა პარტიის წარმომადგენლებს, ჩვეულებრივად ვცხოვრობთ ერთ დიდ ოჯახად. ველოდებით თავდასხმას ამ პაჭანიკებისგან, გაბედავენ - ძალიან ცუდი, თუ არ გაბედავენ, მოლაპარაკებას ალტერნატივა არ აქვს“, - აღნიშნა გიგი უგულავამ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი