პარლამენტის შენობასთან “ლელოს” აქცია დასრულდა. აქციის მონაწილეები შინაგან საქმეთა სამინისტროსთან წავიდნენ, რათა მათი თანაგუნდელების დაკავება გააპროტესტონ.
მათი ინფორმაციით, სულ 6 ადამიანია დაკავებული, მათ შორის პარტიის ერთ-ერთი ლიდერი საბა ბუაძე.
ტერიტორიაზე ჯერჯერობით რჩებიან პოლიციის წარმომადგენლები.
შეგახსენებთ, პარლამენტთან “ლელოს” ახალგაზრდული ორგანიზაციის წევრები პრემიერობის კანდიდატად ირაკლი ღარიბაშვილის წარდგენას აპროტესტებდნენ. დაპირისპირება კი მას შემდეგ დაიწყო, რაც აქციის ერთ-ერთმა მონაწილემ ტროტუარზე საღებავით წარწერის გაკეთება სცადა, რისი საშუალებაც სამართალდამცველებმა არ მისცეს.