მცხეთის მუნიციპალიტეტის ერთ-ერთ ქუჩას კონსტიტუციის ქუჩა ეწოდა

2021 წლის 21 თებერვალს 100 წელი სრულდება მას შემდეგ, რაც დამფუძნებელმა კრებამ საქართველოს დემოკრატიული რესპუბლიკის პირველი კონსტიტუცია მიიღო. ისევე როგორც მთელს საქართველოში, ეს დღე მცხეთა-მთიანეთის რეგიონშიც აღინიშნა.

ადგილობრივი ხელისუფლების გადაწყვეტილებით მცხეთაში შრომის ქუჩას სახელი გადაერქვა და დღეიდან მას კონსტიტუციის ქუჩა ეწოდება. ღონისძიებაში მონაწილოება მცხეთა-მთიანეთის მხარის სახელმწიფო რწმუნებულმა დავით ნოზაძემ, მცხეთა-მთიანეთის მხარის მაჟორიტარმა დეპუტატმა შალვა კერესელიძემ, ქალაქ მცხეთის მერმა გიორგი კაპანაძემ და მცხეთის მუნიციპალიტეტის საკრებულოს თავმჯდომარემ გელა ბაქრაძემ მიიღეს.

კონსტიტუციის დღესთან დაკავშირებით სიმბოლურად პირველი აბრა კონსტიტუციის ქუჩაზე სწორედ ხელისუფლების წარმომადგენლებმა გააკრეს.

“დღევანდელი დღე მინდა მივულოცო საქართველოს ყველა მოქალაქეს. კონსტიტუცია ეს არის ქვეყნის განვითარების და დემოკრატიულობის გარანტი და ჩვენი წარმატების მთავარი საყრდენი და საფუძველი, სწორედ დღევანდელ დღეს ქალაქ მცხეთაში ერთ-ერთ ქუჩას კონსტიტუციის ქუჩის სახელი მიენიჭა“, - განაცხადა მცხეთა-მთიანეთის მხარის სახელმწიფო რწმუნებულმა დავით ნოზაძემ.

“კონსტიტუცია ეს არის ურყევი ნება, რათა დავამკვიდროთ დემოკრატიული საზოგადოების სისტემა და შევქმნათ დემოკრატიული სახელმწიფო. ამ დღესთან დაკავშირებით ჩვენ სიმბოლურად მცხეთაში შრომის ქუჩას გადავარქვით სახელი და ეწოდა კონსტიტუციის ქუჩა, მინდა ყველას მივულოცო პირველი ქართული კონსტიტუციის 100 წლისთავი”, -განაცხადა მცხეთა-მთიანეთის მხარის მაჟორიტარმა დეპუტატმა შალვა კერესელიძემ.

ინფორმაციას მცხეთა-მთიანეთის მხარის სახელმწიფო რწმუნებულის ადმინისტრაცია ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს