ბათუმში, ე.წ. გონიოს ნაგავსაყრელის მიმდებარე ტერიტორიაზე მცხოვრებლები ხელისუფლებას დახმარებას სთხოვენ.

მათ გამაფრთხილებელი აქცია გამართეს და განაცხადეს, რომ აღნიშნულ ტერიტორიაზე სხვადასხვა დროს ეკომიგრანტები, უსახლკაროები და სოციალურად დაუცველი 20-მდე ოჯახი დასახლდა.

აქციის მონაწილეების თქმით, გაუსაძლისი ცხოვრების პირობების გამო, ხელისუფლებას საცხოვრებელი ფართებით დაკმაყოფილებას სთხოვენ.

"დღეს გვაქვს გამაფრთხილებელი აქცია, ვგეგმავდით კარვების გაშლას აჭარის მთავრობის სახლთან, თუმცა დღეს დილით მოვიდა აჭარის ჯანდაცვის მინისტრის მოადგილე რამაზ ჯინჭარაძე და დაგვპირდა, რომ ჩვენს პრობლემას მოაგვარებენ. მართლაც საშინელ სიტუაციაში ვცხოვრობთ, ნაგავი თავზე გვეყრება. გაიზარდა ბათუმში მცხოვრებთა რაოდენობა და შესაბამისად ყოველდღიურად დიდი რაოდენობის ნაგავი მოდის, ამ პირობებში გვიწევს ყოფნა. წასასვლელი არსად გვაქვს. აქ ცხოვრება ჯანმრთელობისთვის არის სახიფათო", - აცხადებენ აქციის მონაწილეები.