ქუთაისში, ავტომობილის მძღოლებმა და აქტივისტებმა საწვავზე გაზრდილი ფასები გააპროტესტეს.
აქციის მონაწილეებმა ავტომობილებით მსვლელობა მოაწყვეს, სიგნალებით მერიასთან შეჩერდნენ და გზა გადაკეტეს, რასაც ხმაური მოყვა.
ადგილზე სამართალდამცველები იმყოფებოდნენ და მოქალაქეებს გზის გახსნისკენ მოუწოდებდნენ.
აქციას პოლიტიკური პარტიების წარმომადგენლებიც შეუერთდნენ.
მათი თქმით, ერთ კვირაში საწვავი 15 თეთრით გაძვირდა, რაც სერიოზულ პრობლემას წარმოადგენს ავტომფლობელებისთვის. აქციის მონაწილეები აცხადებენ, რომ მათ უკან ბევრი ადამიანი დგას და კიდევ უფრო მეტი ადამიანი გამოვა.