„ნაციონალური მოძრაობის“ თავმჯდომარე ნიკა მელიას, რომელიც სპეცრაზმმა რამდენიმე წუთის წინ დააკავა, პარტიის ოფისთან შეკრებილები ტაშით შეხვდნენ.

მელია სპეციალური დანიშნულების რაზმის წარმომადგენლებმა შენობიდან უკვე გაიყვანეს. მას სავარაუდოდ, წინასწარი დაკავების იზოლატორში გადაიყვანენ.

სპეციალური დანიშნულების რაზმმა „ნაციონალური მოძრაობის“ თავმჯდომარე ნიკა მელია ცოტა ხნის დააკავა. სამართალდამცავებმა ნიკა მელია პარტიის ოფისში, საკუთარ კაბინეტში აიყვანეს. მანამდე კი აღნიშნულ ოთახში, ისე როგორც მთლიანად პარტიის ოფისში სამართალდამცავებმა ე.წ.წიწაკის სპრეი გაუშვეს.

სპეცოპერაცია გამთენიისას დაიწყო. მელიას აყვანამდე სამართალდამცავებმა პარტიის ოფისში მყოფი მოქალაქეები და მათ შორის პარტიის ლიდერები გარეთ გამოიყვანეს.