აჭარის მთავრობის სახლთან ოპოზიციური პარტიების ლიდერები და მათი მხარდამჭერები საპროტესტო აქციას მართავენ.
როგორც „ერთიანი ნაციონალური მოძრაობის" აჭარის ორგანიზაციის წევრმა, რეზო ხარაზმა სიტყვით გამოსვლისას განაცხადა, ქართველ ხალხთან ერთად რუსული ოკუპაციის წინააღმდეგ იბრძოლებენ.
მისი თქმით, აჭარის მთავრობის სახლთან შეკრებილი მოქალაქეები „ერთიანი ნაციონალური მოძრაობის" ლიდერს, ნიკა მელიას სოლიდარობას უცხადებენ.