კახეთში ავტოსაგზაო შემთხვევას ერთი ადამიანი ემსხვერპლა. შემთხვევა ლაგოდეხის მუნიციპალიტეტის სოფელ გელათთან მოხდა.

ადგილობრივების ინფორმაციით, ორი მსუბუქი ავტომობილი ერთმანეთს შეეჯახა. შედეგად ადგილზე გარდაიცვალა ერთი ადამიანი ოთხი კი დაშავდა.

დაშავებულები მიყენებული ტრავმებით სასწრაფო დახმარების ბრიგადამ ლაგოდეხის “არქიმედეს” კლინიკაში გადაიყვანა.

შემთხვევის ადგილზე გრძელდება საგამოძიებო მოქმედებები.