გორში  დევნილთა დასახლების მიმდებარე ტერიტორიაზე ბავშვთა გასართობი მოედანი და დასასვენებელი სკვერი მოეწყო

გერმანიის მთავრობის ფინანსური მხარდაჭერით, გორში დევნილთა დასახლების მიმდებარე ტერიტორიაზე ბავშვთა გასართობი მოედანი და დასასვენებელი სკვერი მოეწყო.

როგორც „ინტერპრესნიუსს“ დევნილთა სააგენტოდან აცნობეს, ამავე პროექტის ფარგლებში, ქარელში 50 აღსაზრდელზე გათვლილი საბავშვო ბაღის სამშენებლო სამუშაოები მიმდინარეობს.

მათი ინფორმაციით, გარდა ქარელისა, საქართველოს მასშტაბით დევნილთა დასახლებებში 6 სკოლამდელი აღზრდის დაწესებულება შენდება.

„18 მცირე მასშტაბის ინფრასტრუქტურული პროექტი უკვე დასრულდა და დამატებით, კიდევ 6 განხორციელდება. პროექტების დაგეგმვისას მაქსიმალურად გათვალისწინებულია დევნილთა დასახლებებში არსებული საჭიროებები“, - აღნიშნულია ინფორმაციაში.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა