ჭიათურის მუნიციპალიტეტში მცხოვრებ ნატა შეყლაშვილს დღეს 100 წელი შეუსრულდა. ჭიათურის მერიის ინფორმაციით, უხუცესი ქალბატონი 1921 წლის 8 მარტს ჭიათურაში, სოფელ ითხვისში დაიბადა.

საიუბილეო თარიღი მას დღეს ჭიათურის მუნიციპალიტეტის მერმა გივი მოდებაძემ მიულოცა.

„საუკუნის იუბილეს და ქალთა დღეს ვულოცავ ქალბატონ ნატას. ჯანმრთელობას და თავისი დიდი ოჯახის დღეგრძელობას ვუსურვებ. ბედნიერებაა, რომ გვყვანან ასეთი ხანდაზმული და ძვირფასი ადამიანები", - განაცხადა ჭიათურის მერმა.

„ნატა შეყლაშვილი 40 წლის განმავლობაში ჭიათურის კავშირგაბმულობის სისტემაში მუშაობდა. ჰყავს 4 შვილი, 9 შვილიშვილი, 12 შვილთაშვილი და 2 შვილთაშვილის შვილი“, - ნათქვამია ინფორმაციაში.