აჭარის მთავრობის სახლთან ხულოს მუნიციპალიტეტის სოფელ წაბლანას მცხოვრებლები საპროტესტო აქციას მართავენ. როგორც ისინი აცხადებენ, 1989 წელს სტიქიის შედეგად დაზარალდნენ, მათ ბათუმში ბინები გადასცეს, თუმცა სამშენებლო-სარემონტო სამუშაოები დაუსრულებელია.
აქციის მონაწილეების თქმით, მათ ფინანსური საშუალება არა აქვთ, რომ აღნიშნული ბინების რემონტო უზრუნველყონ, რის გამოც აჭარის მთავრობას მათთვის განკუთვნილ საცხოვრებელ ფართებში სამშენებლო-სარემონტო სამუშაოების დასრულებას სთხოვენ.
აქციის მონაწილეები ამბობენ, რომ გუშინ აჭარის ფინანსთა და ეკონომკის სამინისტროში შეხვედრა ჰქონდათ, თუმცა სოფელ წაბლანის მოსახლეობა შეხვედრით უკმაყოფილოა.
აქციის მონაწილეები აჭარის მთავრობის თავმჯდომარე თორნიკე რიჟვაძესთან შეხვედრას ითხოვენ. მთავრობის ადმინისტრაციასთან მობილიზებული არიან სამართალდამცავები.