IT ტრანსფორმაცია სილქნეტს უახლეს ციფრულ სისტემებზე დაფუძნებულ კომპანიად გარდაქმნის
სილქნეტი შეახსენებს მომხმარებლებს, რომ გასული წლის დასასრულს IT ტრანსფორმაციის პროექტი დანერგა, რაც უმნიშვნელოვანესი ტექნოლოგიური გარდაქმნაა სატელეკომუნიკაციო სფეროში. ეს საშუალება აძლევს კომპანიას, უპასუხოს ბაზრის თანამედროვე გამოწვევებს, რათა მომხმარებელს კიდევ უფრო სწრაფად და მოქნილად მოემსახუროს უახლეს ციფრულ სისტემებზე დაფუძნებული სერვისებით.
„პროექტის მნიშვნელობიდან გამომდინარე, ამ პერიოდის განმავლობაში იყო სხვადასხვა სახის შეფერხებები მომსახურებისა და დავალიანების აღრიცხვის კუთხით, რამაც ჩვენს მომხმარებელს შეუქმნა დისკომფორტი. ჩვენ მაქსიმალურად ვცდილობთ, უმოკლეს დროში აღმოვფხვრათ ამ დროისათვის დარჩენილი პრობლემები.
ჩვენს მომხმარებელს კიდევ ერთხელ ბოდიშს ვუხდით შეფერხებებისთვის. ამ პროექტისთვის მზადება არაერთი თვის განმავლობაში მიმდინარეობდა, რაც დღეს საშუალებას გვაძლევს განვაცხადოთ, რომ მზად ვართ, კიდევ უფრო მაღალი დონის მომსახურება მივაწოდოთ ჩვენს მომხმარებელს. ყველაფერს გავაკეთებთ, რომ სამომავლოდ შეუფერხებელი და სწრაფი მომსახურება შევთავაზოთ აბონენტებს, რის საშუალებასაც გვაძლევს ჩატარებული ტექნოლოგიური ტრანსფორმაცია.
ჩვენთვის განსაკუთრებით ძვირფასია თითოეული მომხმარებელი. გვინდა მადლობა გადაგიხადოთ, რომ აირჩიეთ ჩვენი მომსახურება. IT ტრანსპფორმაციის პროექტი საშუალებას მოგვცემს, შეუფერხებლად გავაგრძელოთ თქვენი მომსახურება” - აღნიშნულია სილქნეტის განცხადებაში.
(R)
v-if="article.gallery" v-html="article.gallery"
