ბათუმში სოციალური მომსახურეობის სააგენტოს შენობასთან მშობლებმა და იურისტებმა საპროტესტო აქცია გამართეს.
შეკრებილების განცხადებით, ისინი სახელმწიფოს მოუწოდებენ, რომ სახელმწიფო ზრუნვისა და ტრეფიკინგის მსხვერპლთა სააგენტო აკონტროლოს.
მათ მიაჩნიათ, რომ ქვეყანაში სოციალური მომსახურების სააგენტოს თანამშრომლები ვერ უზრუნველყოფენ სასამართლო გადაწყვეტილებების აღსრულებას.
აქციის მონაწილეების თქმით, აღნიშნულ უწყებაში ხშირია დასაქმებულთა არაკომპეტენტურობა და არასაკმარისი რაოდენობა, რაც გამართულ მუშაობას აფერხებს.