ჯანდაცვის მინისტრი - ვაქცინაცია საქართველოში არის ნებაყოფლობითი, ასევე, მოქალაქეებს მივცემთ საშუალებას, აირჩიონ მათთვის სანდო ვაქცინა

საქართველოს ჯანდაცვის მინისტრის, ეკატერინე ტიკარაძის ინფორმაციით, მოქალაქეები მათთვის სასურველი ვაქცინის შერჩევას თავად შეძლებენ.

როგორც ტიკარაძემ ჯანდაცვის სამინისტროში გამართულ ბრიფინგზე განაცხადა, საქართველოში ნებაყოფლობითი იქნება როგორც ვაქცინაცია, ასევე ვაქცინის ამორჩევა.

„დღეს გვაქვს შეხვედრა სამედიცინო ასოციაციებთან, რომელთა როლი და ჩართულობა არის უმნიშვნელოვანესი ამ პროცესში. მათ აქვთ წვდომა, როგორც სამედიცინო პროფესიონალებთან, ასევე მოსახლეობასთან და გაზიარებული იქნება მათთვის ჩვენი პლატფორმა. ეს მოახდენს როგორც ექიმებში, ასევე მოსახლეობაში ცნობიერების ამაღლებას. მოსახლეობის განწყობა დეკემბერთან და იანვართან შედარებით მნიშვნელოვნად არის გაუმჯობესებული, თუმცა ეს არ არის საკმარისი და კიდევ გვაქვს გარკვეული ღონისძიებები განსახორციელებელი. პირველ რიგში, ეს იქნება ცნობიერების ამაღლებისკენ მიმართული კამპანიები. ვაქცინაცია საქართველოში არის ნებაყოფლობითი და ჩვენ ამას ვემხრობით. ასევე ნებაყოფლობითი იქნება ვაქცინის არჩევა და ჩვენს მოქალაქეებს მივცემთ საშუალებას მათ აირჩიონ მათთვის სანდო ვაქცინა, რომელსაც ისინი მეტად ენდობიან“, - აღნიშნა ეკატერინე ტიკარაძემ.

მან ქვეყანაში ჩინური ვაქცინის შემოტანაზეც ისაუბრა. მინისტრის განმარტებით, მკაცრი მარეგულირებლის მხრიდან ვაქცინის აღიარება მის ხარისხს ეჭვქვეშ არ აყენებს და ჩინური ვაქცინა ტრადიციულ მეთოდებზეა დამზადებული, რაც „ბევრი მოქალაქისათვის უპირატესობის განმსაზღვრელი ფაქტორია“.

„ხარისხის კომპონენტზე საუბრისას მთავარია მკაცრი მარეგულირებლის მხრიდან ვაქცინის აღიარება. მაშინ, როდესაც ჩინურ ვაქცინასაც აქვს და ექნება მკაცრი მარეგულირებლის მხრიდან მკაცრი აღიარება, ეს მის ხარისხს არ აყენებს ეჭვის ქვეშ, ასევე მნიშვნელოვანია გავითვალისწინოთ, რომ ჩინური ვაქცინა დამზადებულია ტრადიციულ მეთოდებზე, რაც ბევრი მოქალაქისათვის უპირატესობის განმსაზღვრელი ფაქტორია“, - განაცხადა ეკატერინე ტიკარაძემ.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს