გია ვოლსკი 6-პუნქტიან ჩარჩო დოკუმენტზე - ამას ვერც გეგმას დავარქმევთ და ვერც ევროკავშირის ან ევროპული სტრუქტურების მხარდაჭერილ დოკუმენტს

ამას ვერც გეგმას დავარქმევთ და ვერც ევროკავშირის ან ევროპული სტრუქტურების მხარდაჭერილ დოკუმენტს, ვინაიდან დოკუმენტები ისე მრავლად გამოქვეყნდა, რომ ძილის საშუალებას არ აძლევს ოპოზიციას,- ამის შესახებ პარლამენტის პირველმა ვიცე- სპიკერმა გია ვოლსკიმ ჟურნალისტებთან 6-პუნქტიანი დოკუმენტის კომენტირებისას განაცხადა.

მისივე თქმით, დოკუმენტში ოპოზიციის მოთხოვნებია თავმოყრილი.

„6-პუნქტიანი მოთხოვნა არ წარმოადგენს გეგმას, ეს არის იმ პრობლემების ჩამონათვალი, რომელიც ოპოზიციამ გააკეთა. ამასთან დაკავშირებით, რასაკვირველია, გაგრძელდება საუბარი, მაგრამ ამას ვერც გეგმას დავარქმევთ და ვერც ევროკავშირის ან ევროპული სტრუქტურების მხარდაჭერილ დოკუმენტს, ვინაიდან დოკუმენტები ისე მრავლად გამოქვეყნდა, რომ ძილის საშუალებას არ აძლევს ოპოზიციის ლიდერშიპს, აქედან გამომდინარე, იგონებენ, რომ არსებობს გეგმა,“ - განაცხადა ვოლსკიმ.

მისივე თქმით, მიუხედავად მისი სკეპტიკური განწყობისა, მმართველ გუნდში იმედოვნებენ, რომ მოლაპარაკებებს პოზიტიური განვითარება ექნება.

"ყოველთვის სკეპტიკური ვიყავი იმასთან დაკავშირებით, რომ რაიმე პოზიტიური და კონსტრუქციული იდეები გააჩნია “ნაციონალურ მოძრაობას”. ფაქტია, რომ სიტუაციას ის განაგებს, თუმცა მმართველ გუნდში მაინც გამოთქვამენ იმედს, რომ პოზიტივი იქნება, ვინაიდან ძალიან დიდია ჩვენი და საერთაშორისო საზოგადოების ინტერესი, რომ ქვეყანაში სტაბილურობა იყოს შენარჩუნებული, ეს განვითარებისთვისაც არის მნიშვნელოვანი და რეგიონალური უსაფრთხოებისთვის საგანგებოდ მნიშვნელოვან საკითხს წარმოადგენს. მგონია, რომ საერთაშორისო პოზიციები თავის საქმეს შეასრულებს. მნიშვნელოვანია, რომ მოლაპარაკებები შედეგით დასრულდეს და მხარეები მოლაპარაკებების მაგიდასთან ისხდნენ. ბულინგი და შეტევა ინტენსიურად მიმდინარეობს, მათ შორის ირაკლი ღარიბაშვილის მიმართ, მაგრამ დღეს გაცილებით უფრო მეტი ფასის მნიშვნელობის საკითხი დევს მოლაპარაკების მაგიდაზე, ვიდრე ეს ცალკეული გამოხტომების ფასია,“ - განაცხადა ვოლსკიმ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს