ვახუშტი მენაბდე დანიელსონთან შეხვედრაზე - ვადამდელი არჩევნების მიზანშეწონილობაზე არ გვისაუბრია, ვუთხარით, რომ მხოლოდ ვადამდელი არჩევნებია ერთჯერადი გამოსავალი, ჩვენ გჭირდება უფრო მყარი ქმედებები

„ახალგაზრდა იურისტთა ასოციაციის“ წევრის ვახუშტი მენაბდის განცხადებით, ევროპული საბჭოს პრეზიდენტის სპეციალურ წარმომადგენელთან, კრისტიან დანიელსონთან შეხვედრაზე ვადამდელი არჩევნების მიზანშეწონილობასთან დაკავშირებით არ უსაუბრიათ, თუმცა აღნიშნეს, რომ ვადამდელი არჩევნები ერთჯერადი გამოსავალია.

როგორც მენაბდემ შეხვედრის შემდეგ ჟურნალისტებს განუცხადა, საჭიროა უფრო მყარი ნაბიჯების გადადგმა, რომელიც მომავალში ქვეყანას პოლარიზაციისგან დააზღვევს.

„ვადამდელი არჩევნების მიზანშეწონილობაზე არ გვისაუბრია. უბრალოდ ვუთხარით ის, რომ მხოლოდ ვადამდელი არჩევნები არის ერთჯერადი გამოსავალი. ჩვენ გჭირდება უფრო მყარი და წინ გახედული ქმედებები, რომელიც მომავალში დაგვაზღვევს იმ პოლარიზაციისგან და პრობლემებისგან, რომელიც დღეს არის - ეს არის ინსტიტუციური რეფორმები უფრო კონსენსუსზე ორიენტირებული სისტემის დასაფუძნებლად“,- განაცხადა მენაბდემ.

ამასთან, მისი თქმით, შეხვედრაზე ისაუბრეს პოლარიზაციის პრობლემაზე და მისი გადაჭრის გზებზე.

„ელჩებს და სპეციალურ წარმომადგენელს ვესაუბრე იმ პრობლემების საფუძველზე, რომელიც საქართველოში არსებობს - ეს არის პოლარიზაცია. ვისაუბრეთ იმ გეგმებზე, როგორ შეიძლება გადაიჭრას პოლარიზაცია, ეს არის ოპოზიციის როლის გაზრდა მნიშვნელოვან თანამდებობაზე დანიშვნაში, საარჩევნო სისტემის პროპორციული მიმართულებით მოძრაობა, ბუნებრივ ბარიერთან მიახლოებული პროცენტულობით და ეს არის საკითხები, რომელიც ასევე უკავშირდება თვითმმართველობის რეფორმას. ამ ყველაფერმა უნდა მოგვცეს შესაძლებლობა, რომ ეს კრიზისული პოლიტიკური სისტემა, რომელიც დღეს საქართველოშია და 30 წელია იწვევს განუწყვეტელ დაპირისპირებას ხელისუფლებასა და ოპოზიციას შორის და ასევე თანამშრომლობის შეუძლებლობას, როგორღაც დასრულდეს და გადავიდეთ ახალ საფეხურზე, სადაც შესაძლებელი იქნება ქვეყნის მართვაზე პასუხისმგებლობა გაინაწილონ ხელისუფლებამ და ოპოზიციამ ისე რომ ეს ქვეყანა არ გადაჩეხონ მოუსავლეთში“,- განაცხადა ვახუშტი მენაბდემ.

ცნობისთვის, საქართველოში ევროკავშირის მედიატორობით გამართულ პოლიტიკურ დიალოგში მონაწილე ევროკავშირის საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი არასამთავრობო სექტორის წარმომადგენლებს შეხვდა.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს