პარლამენტის საარჩევნო რეფორმის საპარლამენტო სამუშაო ჯგუფთან სამუშაო შეხვედრა მიმდინარეობს. როგორც პარლამენტის ვიცე-სპიკერმა, პარტია "მოქალაქეების" ლიდერმა, ლევან იოსელიანმა შეხვედრის დაწყებამდე ჟურნალისტებთან განაცხადა, შეხვედრაზე განიხილება არჩევნების ადმინისტრირების გაუმჯობესებისა და ელექტრონული ტექნოლოგიების დანერგვის შესაძლებლობები.
ღონისძიების ორგანიზატორები არიან „კარგი მმართველობის ინსტიტუტი" და IFES საქართველო. შეხვედრაზე ასევე განიხილება ამომრჩეველთა ელექტრონული რეგისტრაცია- იდენტიფიკაციისა და ხმის დათვლის ტექნოლოგიების დანერგვის შესაძლებლობები.
„ჩვენ დავასრულეთ სამართლებრივი ნაწილი და დავაინიცირეთ კანონი. დღევანდელი შეხვედრა ეხება ტექნოლოგიურ ნაწილს, ჩვენ უნდა შემოვიტანოთ უკვე 2021 წლის თვითმართველობის არჩევნებზე ტექნოლოგიები, რომელიც გამჭვირვალეს გახდის არჩევნებს. ეს კონფერენცია ეძღვნება იმას, თუ რა დოზით უნდა იყოს წარმოდგენილი. ჩემი აზრით, იმ რაოდენობით უნდა იყოს წარმოდგენილი, რომ გვაძლევდეს სურათის რეალურ აღქმას, როგორ მუშაობს და რამდენად გამჭვირვალეს ხდის პროცესს. ამიტომ, ეს არის ძალიან მნიშვნელოვანი ეტაპი, რაზეც ახლა გადავედით, ტექნოლოგიების დანერგვის შესაძლებლობებზე, რაზეც მოვისმენთ, როგორც ქართველი, ისე უცხოელი ექსპერტების გამოცდილებას, სხვა ქვეყნებში როგორ ხდება ეს",-განაცხადა იოსელიანმა.