დავით მათიკაშვილი - ჩვენი ევროპელი კოლეგების, თუნდაც IRI-ის დასკვნა, კიდევ ერთ სტიმულს მისცემს ოპოზიციის დესტრუქციულ ნაწილს, რომ მათ საღად შეაფასონ გარემოებები
„ვიმედოვნებ, რომ საღი აზრი, ჩვენი ევროპელი კოლეგების, პარტნიორების ჩარევა და თუნდაც IRI-ის დასკვნა, რომელიც ახლახანს გამოქვეყნდა, კიდევ ერთ სტიმულს მისცემს ოპოზიციის დესტრუქციულ ნაწილს, რომ მათ საღად შეაფასონ გარემოებები და მოვლენები", - ასე ეხმაურება უმრავლესობის დეპუტატი დავით მათიკაშვილი ჟურნალისტებთან ხელისუფლებასა და ოპოზიციას შორის მოლაპარაკებების პროცესს.
როგორც მათიკაშვილი აცხადებს, "ოპოზიციის დესტრუქციული ნაწილის პოზიციები" შეთანხმებისგან შორს არის.
"ჩვენ ვიქნებით ოპტიმისტები, სამწუხაროდ, დღევანდელი ოპოზიციის დესტრუქციული ნაწილის პოზიციები რეალურად შორს არის იმ მოცემულობასთან, რასაც, საბოლოო ჯამში, შეთახმება ჰქვია. ვიმედოვნებ, რომ საღი აზრი, ჩვენი ევროპელი კოლეგების, პარტნიორების ჩარევა და თუნდაც IRI-ის ეს დასკვნა, რომელიც სულ ახლახანს გამოქვეყნდა კიდევ ერთ სტიმულს მისცემს ჩვენი ოპოზიციის დესტრუქციულ ნაწილს, რომ საღად შეაფასონ გარემოებები და მოვლენები, მიიღონ არა ვიწროპარტიული ინტერესებიდან გამომდინარე გადაწყვეტილება, არამედ სახელმწიფოებრივი გადაწყვეტილება",-აცხადებს მათიკაშვილი.
შეგახსენებთ, “საერთაშორისო რესპუბლიკური ინსტიტუტი“ ტექნიკური საარჩევნო შეფასების მისიის საბოლოო ანგარიშს აქვეყნებს, რომელიც გაზრდილ საარჩევნო აქტივობას და რეფორმების გაგრძელების აუცილებლობას ასახავს. როგორც IRI-ის ევრაზიის დივიზიის დირექტორი სტივენ ნიქსი აღნიშნავს, "გასული წლის ოქტომბერში, საქართველოს მოქალაქეებმა კენჭისყრაში მონაწილეობა პირველად მას შემდეგ მიიღეს, რაც ქვეყანამ არჩევნების გამჭვირვალეობისა და კონკურენტუნარიანობისთვის აუცილებელი რეფორმები გაატარა".
იხილეთ ვიდეო:IRI-ის დასკვნა, კიდევ ერთ სტიმულს მისცემს ოპოზიციის დესტრუქციულ ნაწილს, რომ მათ საღად შეაფასონ გარემოებები - დავით მათიკაშვილი
v-if="article.gallery" v-html="article.gallery"
