დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა, გურიის მხარის სახელმწიფო რწმუნებულის მოადგილესთან ქეთევან მოისწრაფიშვილთან ერთად, ოზურგეთისა და ჩოხატაურის მუნიციპალიტეტებში ეკომიგრანტი ოჯახებისთვის გადაცემული სახლები მოინახულა.
როგორც „ინტერპრესნიუსს“ დევნილთა სააგენტოდან აცნობეს, სტიქიური მოვლენების შედეგად დაზარალებულმა ოჯახებმა საცხოვრებლები საკუთარი სურვილის შესაბამისად შეარჩიეს.
მათივე ცნობით, სახლების უმეტესობას თან ახლავს მიწის ნაკვეთები, რაც ეკომიგრანტებისთვის შემოსავლის დამატებით წყაროს წარმოადგენს.
ამასთან, ინფორმაციაში აღნიშნულია, რომ სააგენტო მიმდინარე წლის ბოლომდე უსაფრთხო გარემოში, კიდევ 200-ზე მეტ ეკომიგრანტ ოჯახს განასახლებს.