„გორმედის" დამფუძნებელი - „გორმედში“ „ასტრაზენეკას“ ვაქცინით დღეს 20 პირი აიცრება

შიდა ქართლში ვაქცინაციის პროცესი ორ სამედიცინო დაწესებულებაში - გორის სამხედრო ჰოსპიტალსა და კლინიკა „გორმედში" მიმდინარეობს. რეგიონი უზრუნველყოფილია „ასტრაზენეკას“ 2600 დოზა ვაქცინით, საიდანაც 1300 დოზა გათვლილია გორზე, 500 - ხაშურზე, 400-400 დოზა კი, კასპსა და ქარელზე.

„გორმედის" ქსელის დამფუძნებელმა გია სვანაძემ კოლეგებს მოუწოდა, დროულად ჩაერთონ აღნიშნულ პროცესში.

„დღეს არის ვაქცინაციის პირველი დღე ქვეყანაში. მოგეხსენებათ, „გორმედის“ საუნივერსიტეტო კლინიკა ჩართულია ვაქცინციის პროცესში და დღეს 20 სამედიცინო პირი აიცრება. ამჟამად, დაწყებულია პროცესი და გართულებების გარეშე, შეუფერხებლად მიმდინარეობს.

კლინიკაში გამოყოფილია სივრცეები ვაქცინაციისთვის, მოგეხსენებათ, „გორმედის“ ქსელი თავიდანვე ჩართული იყო კოვიდის წინააღმდეგ ბრძოლაში, რეგიონის მასშტაბით, ფუნქციონირებს „გორმედის“ ქსელის სამი კოვიდკლინიკა, რაც შეეხება ვაქცინაციას, ამ ეტაპზე მხოლოდ გორში მიმდინარეობს აცრის პროცესი, 17 მარტიდან კი, ქარელის კლინიკაშიც დაიწყება კოვიდვაქცინაცია.

ვაქცინაციას იმდენად ბევრი სიკეთე ახლავს, რომ მოვუწოდებ ყველა ჩემს კოლეგას, დროულად ჩავერთოთ აღნიშნულ პროცესში", - განაცხადა ,,გორმედის" ქსელის დამფუძნებელმა.

შეგახსენებთ, პირველ ეტაპზე მიმდინარეობს სამედიცინო დაწესებულებებში დასაქმებული პირების (როგორც ექიმების და ექთნების, ასევე უმცროსი სამედიცინო პერსონალის, ტექნიკური პერსონალისა და ადმინისტრაციის) ვაქცინაცია. შიდა ქართლში, დღეს ვაქცინაცია დაიწყო მხოლოდ გორში, კლინიკა ,,გორმედსა" და სამხედრო ჰოსპიტალში. 17 მარტს კი, ვაქცინაციის პროცესი დაიწყება კასპში, ქარელსა და ხაშურშიც.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა