მომხმარებელთა უფლებების დაცვის საერთაშორისო დღესთან დაკავშირებით, სემეკ-ში ღია კარის დღე გაიმართა

მომხმარებელთა უფლებების დაცვის საერთაშორისო დღესთან დაკავშირებით საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) ღია კარის დღე გაიმართა. ამის შესახებ „ინტერპრესნიუსს“ სემეკიდან აცნობეს.

მათი ინფორმაციით, სემეკის თავმჯდომარე დავით ნარმანია, კომისიის წევრები და ენერგოომბუდსმენი სალომე ვარდიაშვილი მოქალაქეებს შეხვდნენ, მოისმინეს მათი შეფასება კომუნალური კომპანიების მიერ გაწეულ მომსახურებებზე.

„სემეკში ყოველკვირეულად ტარდება საჯარო სხდომები, სადაც სხვა საკითხებთან ერთად კომისია განიხილავს მომხმარებლებსა და კომუნალური მომსახურების კომპანიებს შორის არსებულ დავებს. სადავო საკითხები, ძირითადად, შეეხება ქსელზე მიერთების ვადებსა და პროცედურებს, უსაფუძვლოდ დარიცხულ თანხებსა და ხანდაზმულ დავალიანებებს. არსებული პრაქტიკის შესაბამისად, სადავო საკითხების უმეტესობა მომხმარებელთა სასარგებლოდ წყდება“,-აღნიშნულია ინფორმაციაში.

სემეკის ცნობით, 2020 წლის განმავლობაში კომუნალური კომპანიების მიერ მომხმარებლებზე უსაფუძვლოდ დარიცხული და შემდგომ სემეკის მიერ ჩამოწერილი თანხების ოდენობამ 1 462 000 ლარი შეადგინა.

„ჩვენთვის ძალიან მნიშვნელოვანია თითოეული მოქალაქის მიერ მოწოდებული ინფორმაცია. სემეკი, წლებია, ყოველდღიურ რეჟიმში მუშაობს კომუნალური მომსახურებების გასაუმჯობესებლად. კომპანიებში მომსახურების ხარისხის მონიტორინგის მიზნით, სხვადასხვა პროექტთან ერთად, ჩვენი დაკვეთით ხორციელდება „იდუმალი მომხმარებლის“ კვლევა, რომლის ფარგლებშიც მოწმდება კომუნალური კომპანიების მიერ მომხმარებლებზე გაწეული მომსახურებისა და სემეკის რეგულაციების შესრულების პროცესი. კომისიაში გვაქვს უნიკალური პროგრამა, რომელიც რეალურ დროში აფიქსირებს კომპანიებში შესულ მომხმარებელთა განცხადებებს და მათზე რეაგირების ვადებს, ინფორმაციას გეგმური და არაგეგმური წყვეტების შესახებ, ახალი მომხმარებლის ქსელზე მიერთებისა და დავალიანების გადაუხდელობისათვის გათიშული მომხმარებლებისათვის მომარაგების აღდგენის დროსა და ვადებს. გვაქვს შემუშავებული სტანდარტები, რომლის შესრულებაც სავალდებულოა კომპანიებისათვის. 2020 წლის განმავლობაში „მომსახურების კომერციული ხარისხის წესების“ დარღვევის გამო კომუნალური კომპანიების მიერ მოქალაქეებზე გაიცა კომპენსაციები, ჯამში 200 ათას ლარამდე. მინდა ვთხოვო მოქალაქეებს, თუ თვლიან რომ კომუნალური მომსახურების კომპანიების მხრიდან ირღვევა მათი უფლებები, აუცილებლად მოგვმართონ“, - აღნიშნა დავით ნარმანიამ.

სემეკი შეახსენებს ელექტროენერგიის, ბუნებრივი გაზისა და სასმელი წყლის მომხმარებლებს, თუ ადგილი აქვს მათი უფლებების დარღვევას კომუნალური მომსახურების კომპანიების მხრიდან, მიმართონ სემეკს ან სემეკთან არსებულ ენერგოომბუდსმენის სამსახურს. მათი განმარტებით, კონსულტაციების მიღება შესაძლებელია როგორც ქოლ ცენტრში ნომერზე 16 216, ასევე სემეკის Facebook გვერდზე.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება