კრისტიან დანიელსონი „ქართული ოცნების“ წარმომადგენლებს სავარაუდოდ კიდევ ერთხელ შეხვდება

ევროპული საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი სავარაუდოდ, დღეს „ქართული ოცნების“ წარმომადგენლებს კიდევ ერთხელ შეხვდება. ევროკავშირის წარმომადგენლობის ოფისში, კრისტიან დანიელსონი, რომელიც მანამდე საქართველოს პრეზიდენტს შეხვდა, უკვე მივიდა. დანიელსონს მედიასთან კომენტარი არ გაუკეთებია. ევროკავშირის წარმომადგენლობის ოფისში ასევე იმყოფება საქართველოში აშშ-ის ელჩი კელი დეგნანი.

პარალელურად საქართველოს პარლამენტში ფრაქცია „ქართული ოცნების“ სხდომა მიმდინარეობს. ფრაქციის სხდომა დახურულ ფორმატში იმართება და პლენარული სხდომების კვირაში განსახილველ საკითხებს უკავშირდება. ამასთან, არ არის გამორიცხული, საუბარი მთავარ პოლიტიკურ პროცესებს შეეხოს.

შეგახსენებთ, რომ კრისტიან დანიელსონი, რომელიც დღეს ბრიუსელში უნდა დაბრუნებულიყო, საქართველოში დარჩა და ქვეყნის კრიზისიდან გამოყვანის მიზნით, პოლიტიკურ აქტორებთან შეხვედრებს აგრძელებს.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს