"ევროპის უნივერსიტეტის" სტუდენტები სწავლას აუდიტორიებში დაუბრუნდნენ
"ევროპის უნივერსიტეტში" 2020-2021 სასწავლო წლის გაზაფხულის სემესტრი ჯანდაცვის სამინისტროს მიერ გაცემული მითითებებისა და რეკომენდაციების სრული დაცვით განახლდა. ამის შესახებ „ინტერპრესნიუსს“ უნივერსიტეტიდან აცნობეს.
მათივე ინფორმაციით, გამოკითხულ სტუდენტთა უმრავლესობის არჩევანის შესაბამისად "ევროპის უნივერსიტეტმა" მიიღო გადაწყვეტილება, რომ პირველ კურსელებისთვის (მხოლოდ ბიზნესის ადმინისტრირების, ფსიქოლოგიისა და ინფორმატიკის პროგრამების), ასევე დიპლომირებული მედიკოსისა და სტომატოლოგიის საგანმანათლებლო პროგრამების სტუდენტებისთვის, პრაქტიკული და ლაბორატორიული მეცადინეობები არადისტანციურ რეჟიმში, ხოლო დანარჩენი საგანმანათლებლო პროგრამების შემთხვევაში დისტანციურ რეჟიმში წარიმართოს. „აღნიშნულთან დაკავშირებით, რეკომენდაციების დაცვით, პირველკურსელთათვის მიღების საღამო მოეწყო, რომელსაც "ევროპის უნივერსიტეტის" რექტორი ნინო ტალიაშვილი ადმინისტრაციის სხვა წარმომადგენლებთან ერთად დაესწრო.უწყებათშორისი საკოორდინაციო საბჭოს გადაწყვეტილებით, უმაღლეს და პროფესიულ სასწავლებლებში სასწავლო პროცესი დღეიდან აუდიტორიებში განახლდა”, - ნათქვამია ინფორმაციაში.
v-if="article.gallery" v-html="article.gallery"
