ნათია თურნავამ „ნამახვანჰესის“ მშენებლობაზე - მოწოდებებია: ჩაიშალოს! გავაგდოთ ინვესტორი! გაჩერდეს! არ ავაშენოთ! საპროტესტო მოძრაობა სულ უფრო რადიკალური ხდება

მოწოდებები, რომ ჩაიშალოს! გავაგდოთ ინვესტორი! გაჩერდეს! არ ავაშენოთ! - არ არის ჩვენი ლექსიკა. განსაკუთრებით პოსტპანდემიურ წელს ჩვენ ყველანი განვითარებისკენ უნდა ვისწრაფვოდეთ, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს „ნამახვანჰესის“ მშენებლობის საკითხზე მოსახლეობის პროტესტის საპასუხოდ განუცხადა.

როგორც ნათია თურნავამ აღნიშნა, აღნიშნულ საკითხთან დაკავშირებით მთავრობისთვის ულტიმატუმის ენა მიუღებელია.

„ძალიან სამწუხაროა, რომ ეს საპროტესტო მოძრაობა სულ უფრო რადიკალური ხდება, რადიკალიზაციისკენ მიდის და ამის დასტურია ის, რომ აქციაზე გაისმოდა წმინდა პოლიტიკური მოთხოვნები, რასაც არ აქვს არანაირი კავშირი ეკოლოგიასთან და პროექტთან დაკავშირებულ საკითხებთან. ჩვენთვის მიუღებელია ულტიმატუმის ენა. რაც შეეხება მინისტრის გადადგომას ან დანიშვნას, ყველას შევახსენებ, რომ საქართველოს მთავრობის წევრის დანიშვნა ან გადაყენება პრემიერ-მინისტრის პრეროგატივაა და არა რომლიმე აქტივისტის აქციაზე გაჟღერებული მოთხოვნა. ჩვენ ძალიან მნიშვნელოვანი შეთავაზებები და გადაწყვეტილებები მივაწოდეთ მოსახლეობასაც და ექსპერტებსაც. ეს არის 4-პუნქტიანი გეგმა, მათ შორის ხელახალი კვლევების გადახედვა და მანამდე კაშხლის მშენებლობის გადაწევა, არდაწყება, ეს არის ხეობის განვითარების ფონდის შექმნა, მეტი ჩართულობა როგორც ფონდის მართვის, ასევე მშენებლობის ზედამხედველობის პროცესში. ჩვენი კარი კვლავაც ღიაა დიალოგისთვის, ოღონდ კონსტრუქციულ პლატფორმაზე. ველით მოსახლეობის წარმომადგენლებს, ველით ექსპერტებს, იმისთვის, რომ ჩაერთონ პროცესში, გააკეთონ პროექტის რევიზია, გადაამოწმონ ის კვლევები, რაც ჩატარებულია. ყველამ ერთად ვიზრუნოთ, რომ ჩვენი ენერგეტიკა, ჩვენი ეკონომიკა გახდეს უფრო ძლიერი. მოწოდებები, რომ ჩაიშალოს! გავაგდოთ ინვესტორი! გაჩერდესს! არ ავაშენოთ! - არ არის ჩვენი ლექსიკა. განსაკუთრებით პოსტპანდემიურ წელს ჩვენ ყველანი განვითარებისკენ უნდა ვისწრაფვოდეთ“, - განაცხადა თურნავამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით