სერგო ჩიხლაძე - მსოფლიო მესამე ტალღის მოლოდინშია, ჩვენც ამის მოლოდინში უნდა ვიყოთ
კორონავირუსის მესამე ტალღა შეიძლება დაიწყოს, საქართველო მსოფლიოსგან მოგლეჯილი ვერ იქნება, - ამის შესახებ „სტარატეგია აღმაშენებლის“ ერთ-ერთმა ლიდერმა სერგო ჩიხლაძემ ჟურნალისტებთან განაცხადა.
მისივე თქმით, კორონავირუსს სეზონურობა არ აქვს, ამიტომ ნებისმიერ დროს, ნებისმიერ სეზონზე შესაძლებელია იყოს მორიგი ტალღა.
„კი, რა თქმა უნდა, საქართველო მსოფლიოსგან მოგლეჯილი ვერ იქნება. ეს საფრთხე, ცხადია, არსებობს. ჩვენ ვიცით, რომ კორონავირუსს, სამწუხაროდ, სეზონურობა არ აქვს. ნებისმიერ დროს, ნებისმიერ სეზონზე, შესაძლოა იყოს მორიგი ტალღა. მსოფლიო ამის მოლოდინშია, ჩვენც უნდა ვიყოთ ამის მოლოდინში. მოლოდინი და მზადყოფნა კი განისაზღვრება იმით, რამდენად კარგად გვაქვს სისტემა აწყობილი. სამწუხაროდ, პანდემიის მართვის გეგმა სათანადოდ გაწერილი არ არის. ერთადერთი ჩვენ იმედი გვაქვს, რომ ვაქცინაცია ბოლომდე მივიყვანოთ“, - განაცხადა ჩიხლაძემ.
v-if="article.gallery" v-html="article.gallery"
