გორის მუნიციპალიტეტის მერია განცხადებას ავრცელებს, სადაც აღნიშნულია, რომ გვიან ღამით, წმინდაწყლის დასახლებაში, ყოფილი საავადმყოფოს დანგრეული ფლიგელის კიბის უჯრედი ჩამოიშალა. პირველადი ინფორმაციით, ადგილზე არავინ დაშავებულა, რადგან ობიექტს იცავს მერიის მიერ დაქირავებული დაცვის სამსახური.

მათივე ინფორმაციით, მერიის ბალანსზე ობიექტი გასულ წელს გადმოვიდა და ამ ეტაპზე მიმდინარეობს სამხარაულის ექსპერტიზის მიერ ობიექტის ფასის დადგენა, რათა გორის მუნიციპალიტეტის მერიამ შეძლოს მისი დანგრევის პირობით, გასხვისება.