ბათუმში, ინასარიძის ქუჩაზე კორპუსში გაჩენილი ხანძარი ლიკვიდირებულია. როგორც ბათუმის მერის მოვალეობის შემსრულებელმა არჩილ ჩიქოვანმა განაცხადა, მომხდარის შედეგად ერთი ოჯახი დაზარალდა.

„ადგილზე, როგორც მუნიციპალური ასევე სამაშველო სამსახურების წარმომადგებლები იყვნენ მობილიზებული. ერთი ადამიანი საავადმყოფოში არის გადაყვანილი, როგორც ვიცი დაკვამლიანების გამო. დაშავებული არავინ არ არის", - აცხადებს არჩილ ჩიქოვანი.

თავის მხრივ, ბინის მეპატრონე არ გამორიცხავს, რომ ხანძარი ელექტროსადენებმა გამოიწვია.