ავთანდილ ცინცაძე 33-ე საბავშვო ბაგა-ბაღში სააღმზრდელო პროცესის მიმდინარეობას გაეცნო

თბილისის საკრებულოს საბურთალოს რაიონის (დიდი დიღომი) მაჟორიტარი დეპუტატი ავთანდილ ცინცაძე, საკრებულოს განათლებისა და კულტურის კომისიის თავმჯდომარესთან თინათინ ნიბლოშვილთან და თბილისის საბავშვო ბაგა-ბაღების მართვის სააგენტოს ხელმძღვანელთან კახაბერ გვანცელაძესთან ერთად, სამაჟორიტარო რაიონში მდებარე 33-ე საბავშვო ბაგა-ბაღში სააღმზრდელო პროცესის მიმდინარეობას გაეცნო და დაწესებულება დაათვალიერა.

როგორც „ინტერპრესნიუსს“ თბილისის საკრებულოდან აცნობეს, ავთანდილ ცინცაძემ ბაგა-ბაღის ხელმძღვანელობას და აღმზრდელებს პატარებზე ზრუნვისთვის მადლობა გადაუხადა და განაცხადა, რომ მომავალი თაობის ღირსეულ პირობებში აღზრდა ძალიან მნიშვნელოვანია.

„მინდა, მადლობა გადავუხადო ყველა აღმზრდელს, მასწავლებელს და ყველა იმ ადამიანს, ვინც ჩვენი შვილების, მომავალი თაობის აღზრდის რთულ და საპასუხისმგებლო პროცესში არის ჩართული. ჩვენთვის ჯანსაღი ცხოვრების წესის პოპულარიზაცია ძალიან მნიშვნელოვანია და ვცდილობთ ეს ინტერესი ბავშვებს ბაღის ასაკიდანვე ჩავუნერგოთ და შევაყვაროთ, რათა შემდეგ უკვე მათ თავისი არჩევანი სწორედ ჯანსაღი ცხოვრების წესზე შეაჩერონ. ბაგა-ბაღი, რომელიც დავათვალიერეთ ყველა თანამედროვე სტანდარტს პასუხობს და მოხარული ვარ, რომ დღეს თბილისის ბაგა-ბაღების სააგენტოს ხელმძღვანელთან მიღწეული შეთანხმებით, უახლოეს მომავალში აღნიშნულ ბაღში სპორტული დარბაზის მოწყობა დაიწყება“,- განაცხადა ავთანდილ ცინცაძემ.

მათივე ცნობით, 33-ე საბავშვო ბაგა-ბაღში ათი ჯგუფი ფუნქციონირებს და ის ოთხასამდე აღსაზრდელზეა გათვლილი. თანამედროვე სტანდარტების შესაბამის შენობასთან ერთად, ასევე კეთილმოწყობილი და გამწვანებულია ეზო, დამონტაჟებულია ატრაქციონები. ბაღი შშმ პირთათვის სრულად ადაპტირებულია.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს