ქუთაისის უნივერსიტეტში სწავლება-სწავლის ხარისხის გაუმჯობესების მიზნით სასწავლო პლატფორმა Moodle დაინერგა. ამის შესახებ „ინტერპრესნიუსს“ ქუთაისის უნივერსიტეტიდან აცნობეს.
მათივე ცნობით, აღნიშნულ პლატფორმაზე სწრაფად ადაპტაციისა და ციფრული რესურსების ეფექტურად გამოყენების მიზნით, სწავლების ინოვაციური მეთოდების ტრენინგ ცენტრის მიერ ქუთაისის უნივერსიტეტის ადმინისტრაციული პერსონალი გადამზადდა.
როგორც ინფორმაციაშია აღნიშნული, მათ შორის გადამზადდნენ საგანმანათლებლო პროგრამების ხელმძღვანელები, სასწავლო და საგამოცდო ცენტრის თანამშრომლები, ეკონომიკისა და ბიზნესის ფაკულულტეტის და მედიცინის ფაკულტეტის დეკანები, აკადემიური და მოწვეული პერსონალი.