ეგზიტპოლების თანახმად, ნიდერლანდებში ჩატარებულ არჩევნებში პრემიერ-მინისტრ მარკ რუტეს პარტია ლიდერობს

ეგზიტპოლების თანახმად, ნიდერლანდებში ჩატარებულ არჩევნებში პრემიერ-მინისტრის, მარკ რუტეს პარტია ლიდერობს.

„ევრონიუსის“ ინფორმაციით, Ipsos-ს მიერ ჩატარებული ეგზიტპოლების შედეგებით, მარკ რუტეს „სახალხო პარტია“ 150-ადგილიან პარლამენტში 36 მანდატს მიიღებს, რაც სამით მეტია მანდატების იმ რაოდენობაზე, რასაც პარტია ამჟამად ფლობს, ეს კი იმას ნიშნავს, რომ მარკ რუტეს სამთავრობო კოალიციის ჩამოყალიბების და თანამდებობაზე დარჩენის შესაძლებლობა კიდევ ერთხელ ეძლევა.

მეორე ადგილზე პარტია „დემოკრატები 66“-ია, რომელმაც, წინასწარი მონაცემებით, საკანონმდებლო ორგანოში 27 მანდატი მოიპოვა, 17 მანდატი მოიპოვა პარტიამ „პარტია თავისუფლებისთვის“, „ქრისტიანულ-დემოკრატიული მოწოდება“ კი მეოთხე ადგილზეა 14 მანდატით.

ადგილობრივი მედიის ინფორმაციით, არჩევნებში ამომრჩევლის აქტივობამ საღამოს 7:45 საათისთვის დაახლოებით 74 პროცენტი შეადგინა.

შეგახსენებთ, მარკ რუტეს მთავრობა იანვარში, სოციალური დახმარების სკანდალის გამო გადადგა. აღმოჩნდა, რომ საგადასახადო ორგანოებმა 26 000 ოჯახი თაღლითობაში არასწორად დაადანაშაულეს და მათგან 2013 –2019 წლებში ათასობით ევროს დაბრუნება მოითხოვეს.

იხილეთ ვიდეო:ეგზიტპოლების თანახმად, ნიდერლანდებში ჩატარებულ არჩევნებში პრემიერ-მინისტრ მარკ რუტეს პარტია ლიდერობს

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით