ავღანეთში, ქაბულში, ავტობუსმა, რომელშიც ინფორმაციისა და ტექნოლოგიის სამინისტროს თანამშრომლები ისხდნენ, გზაზე დამონტაჟებულ ასაფეთქებელ მოწყობილობას გადაუარა და აფეთქდა, - ამის შესახებ ინფორმაციას Reuters-ი ავრცელებს.

სააგენტოს ცნობით, აფეთქების შედეგად დაიღუპა 3 და დაშავდა 11 ადამიანი.

ამ დროისთვის უცნობია დაღუპულებისა და დაშავებულების ვინაობა. მომხდარზე პასუხისმგებლობა ჯერჯერობით არავის აუღია.

შეგახსენებთ, დღეს მოსკოვში ავღანეთის მთავრობის, „თალიბანის“ და რამდენიმე ქვეყნის, მათ შორის აშშ-სა და რუსეთის, წარმომადგენლების შეკრებაა დაგეგმილი. შეხვედრაზე ავღანეთში არსებული სიტუაციის და სამშვიდობო მოლაპარაკებების პროცესის გაგრძელების საკითხის განხილვა იგეგმება.

იხილეთ ვიდეო:ავღანეთში მთავრობის ავტობუსი ააფეთქეს, დაღუპულია 3 და დაშავებულია 11 ადამიანი