ნათია თურნავას განცხადებით, ახალი პროგრამით, სახელმწიფო მეცნიერებს საკუთარი გამოგონებების კომერციალიზაციაში დაეხმარება

ეკონომიკისა და მდგრადი განვითარების მინისტრის ნათია თურნავას განცხადებით, ინოვაციების და ტექნოლოგიების სააგენტოში ახალი პროგრამა შეიქმნა, რომლის ფარგლებშიც სახელმწიფო მეცნიერებს საკუთარი გამოგონებების კომერციალიზაციაში დაეხმარება.

როგორც თურნავამ ჟურნალისტებს განუცხადა, აღნიშნულ პროგრამას ევროკავშირი აფინანსებს. მინისტრის შეფასებით, ეს პროექტი კარგი ხიდია, რათა მეცნიერებმა საკუთარი გამოგონებებისთვის ინვესტორი იპოვონ.

„მინდა გაგაცნოთ ახალი პროგრამა, რომელიც ინოვაციების და ტექნოლოგიების სააგენტოში მტკიცდება. ეს არის ე.წ. ტექნოლოგიების გადაცემის პროგრამა, რომლის წესიც დავამტკიცეთ. საქმე ეხება სამეცნიერო გამოკვლევებსა და გამოგონებებს, რომელიც ქართველ მეცნიერებს აქვთ დამუშავებული სხვადასხვა ქართულ სამეცნიერო უნივერსიტეტში. სახელმწიფო დავეხმარებით მათ ამ გამოგონებების, ტექნოლოგიების კომერციალიზაციაში. ეს არის კარგი ხიდი მეცნიერებასა და ბიზნესს შორის, რომ იმ გამოგონებებისთვის, რაზეც ჩვენი მეცნიერები მუშაობენ, იპოვონ ინვესტორი და ჩადგნენ ჩვენი და გლობალური ეკონომიკის სამსახურში. ამ პროგრამას ევროკავშირი აფინანსებს გრანტის მეშვეობით. ამ ეტაპზე საპილოტე პროექტის ფარგლებში შერჩეულია 9 სხვადსახვა აქტუალური ტექნოლოგია, მათ შორის მეტალურგიის ინსტიტუტში, არაორგანული ქიმიის ინსტიტუტში დამუშავებული, გეოფიზიკის ინსტიტუტუტში, თბილისის სამედიცინო უნივერსიტეტში, აგრარულ უნივერსიტეტში და ასე შემდეგ. ეს პროცესი გაგრძელდება. ჩვენ მაქსიმალურად დავეხმარებით ჩვენს მეცნიერებს, რომ მათმა გამოგონებებმა ბაზარზე აღიარება მოიპოვონ და დაინტერესებული ინვესტორი იპოვონ“,- განაცხადა თურნავამ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო