ახალციხის კლინიკა „იმედში“ ხმაურია. ადგილობრივი მედიასაშუალების, „სამხრეთის კარიბჭის“ინფორმაციით, ადგილზე სიტუაცია მას შემდეგ დაიძაბა, რაც კლინიკის ერთ-ერთ ექთანს, სავარაუდოდ, ანაფილაქსიური რეაქცია განუვითარდა.
როგორც ადგილობრივი მედია იუწყება, ექთნის ოჯახის წევრებმა კლინიკის ფანჯრები ჩაამტვრიეს, დაზიანებულია ინვენტარიც.
ექთნის კომაში ჩავარდნის ზუსტი მიზეზი ამ დროისთვის უცნობია, თუმცა არსებული ინფორმაციით, უკურეაქცია სავარაუდოდ, კორონავირუსის საწინააღმდეგო ვაქცინის, "ასტრაზენეკას" მიღებამ გამოიწვია.
„ინტერპრესნიუსი“ მომხდარის მიზეზებთან დაკავშირებით ჯანდაცვის სამინისტროს განმარტებას ელოდება. როგორც უწყებაში აცხადებენ, განცხადებას უახლოეს პერიოდში გაავრცელებენ.
ადგილზე სამართალდამცავები იმყოფებიან.