დღეს სერიოზულ გართულებასთან გვაქვს საქმე, დარწმუნებული ვარ ჩემი კოლეგები ყველაფერს ეცდებიან, რომ ახალგაზრდა ქალის სიცოცხლე გადავარჩინოთ, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ბრიფინგზე განაცხადა.
მისივე თქმით, ვაქცინაციის პროცესი ქვეყანაში არ უნდა დაზიანდეს.
„პროცესი ქვეყანაში, რა თქმა უნდა, არ უნდა დაზიანდეს. დღეს სერიოზულ გართულებასთან გვაქვს საქმე, დარწმუნებული ვარ ჩემი კოლეგები ყველაფერს ეცდებიან, რომ ახალგაზრდა ქალბატონის სიცოცხლე გადავარჩინოთ. ამ 25 წლის განმავლობაში, სერიოზული გართულება გვქონდა, მაგრამ ფატალური შედეგი, როგორც დღეს პაატამ დამიდასტურა, გვქონდა 90-იან წლებში მხოლოდ 1“, - განაცხადა გამყრელიძემ.
როგორც ცნობილია, შემთხვევა ახალციხის კლინიკა „იმედში“ დღეს მოხდა. 27 წლის ექთნის მდგომარეობა ვაქცინაციის შემდეგ დამძიმდა.