აჭარაში კორონავირუსის ვაქცინაცია 389 მედიკოსმა ჩაიტარა

აჭარაში კორონავირუსის ვაქცინაცია 389 მედიკოსმა ჩაიტარა. როგორც აჭარის საზოგადოებრივი ჯანდაცვის ცენტრის დირექტორმა რუსუდან შავიშვილმა განაცხადა, ვაქცინაციის ჩატარებას გართულებები არ მოჰყოლია. მისი თქმით, ბათუმის რესპუბლიკურ საავადმყოფოში ვაქცინაცია უწყევეტად მიმდინარეობს.

როგორც რუსუდან შავიშვილმა განაცხადა, აჭარის მაღალმთიანეთში ვაქცინაციის პროცესი დაბალი მიმართვიანობის გამო დროებით არის შეჩერებული.

“კოვიდის საწინააღმდეგო ვაქცინაცია 15 მარტს დაიწყო და თავიდანვე ოთხი სამედიცინო დაწესებულება ჩაერთო, მათ შორის რესპუბლიკური საავადმყოფო. 17 მარტს ქობულეთის სამედიცინო დაწესებულება შეუერთდა, ხოლო 18 მარტიდან ყველა მუნიციპალიტეტის სამედიცინო ცენტრი. ყველა დაწესებულება აღჭურვილია სათანადოდ და სამედიცინო პერსონალი არის გადამზადებული. აჭარაში 389 პირია აცრილი. თავიდანვე მზარდი იყო ვაქცინაცია, გუშინ ჩატარდა და დღესაც არის დაჯავშნული. მაღალმთიან აჭარაში მიმართვიანობა დაბალი იყო. მიმართვიანობა მცირეა და დროებით შეჩერებულია მაღალმთიანეთში. ვაქცინაციას გართულება არ მოჰყოლია, თუმცა თანდევი სიმპტომატიკა - თავის ტკივილის რადენიმე შემთხვევა იყო",- აცხადებს რუსუდან შავიშვილი.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი