რუსთავში, 17 წლის გოგონას დაჭრის ფაქტზე, მისივე თანატოლი გოგონაა მხილებული. არსებული ინფორმაციით, ურთიერთშელაპარაკების შემდეგ, 17 წლის გოგონამ თანატოლს მუცლის არეში ჭრილობა მიაყენა. არასრულწლოვანი კლინიკა "რუსთავში" გადაიყვანეს. როგორც კლინიკაში აცხადებენ, მას მუცლის არეში ზედაპირული ჭრილობა აღენიშნებოდა და შესაბამისი სამედიცინო დახმარების გაწევის შემდეგ, არასრულწლოვანი სახლში მალევე გაწერეს.

როგორც „ინტერპრესნიუსს" შსს-ში განუცხადეს, ფაქტზე გამოძიება სსკ-ის 118-ე მუხლითაა დაწყებული, რაც სხეულის ნაკლებად მძიმე დაზიანებას გულისხმობს.

შემთხვევა ერთი კვირის წინ, რუსთავში მე-20 მიკრორაიონში სკოლის მიმდებარე ტერიტორიაზე მოხდა.