ადვოკატ გიორგი ჭოჭუას განცხადებით, შინაგან საქმეთა სამინისტროში, სადაც ერთ-ერთ საქმეზე მოწმის სახით პირი გამოკითხვაზე დაიბარეს, მასზე ფსიქოლოგიურად იძალადეს.
როგორც ადვოკატი „ინტერპრესნიუსთან“ საუბარში აცხადებს, გამოკითხვისას მოწმეს დაჭერით დაემუქრნენ, თუკი, ის სიმართლეს არ იტყოდა.
ჭოჭუას განცხადებითვე, ფსიქოლოგიური ძალადობის შემდეგ, გამოსაკითხი პირი შეუძლოდ გახდა, რის გამოც სასწრაფოს გამოძახება ითხოვა, რა დროსაც მოწმის გამოკითხვა დაუყოვნებლივ შეწყვიტეს და უთხრეს, რომ ის უკვე თავისუფალი იყო და სასწრაფო თავად გამოეძახებინა.
ადვოკატის განმარტებით, ის ახლა შინაგან საქმეთა სამინისტროს მოქალაქეთა მისაღებში იმყოფება და სასწრაფო სამედიცნო დახმარების ჯგუფს ელოდება.