დავით ბაციკაძე დაუნის სინდრომის საერთაშორისო დღესთან დაკავშირებით ბათუმის 26-ე სკოლაში იმყოფებოდა

აჭარის ავტონომიური რესპუბლიკის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარე დავით ბაციკაძე, აჭარის განათლების, კულტურისა და სპორტის მინისტრთან, მაია ხაჯიშვილთან და ბათუმის თოჯინებისა და მოზარდ მაყურებელთა სახელმწიფო პროფესიული თეატრის მსახიობებთან ერთად, ბათუმის 26-ე სკოლის სპეციალური საგანმანათლებლო საჭიროების მქონე ბავშვებს ესტუმრა და მათთან ერთად დაუნის სინდრომის საერთაშორისო დღე აღნიშნა. ამის შესახებ „ინტერპრესნიუსს“აჭარის ავტონომიური რესპუბლიკის უმაღლესი საბჭოდან აცნობეს.

მათი ინფორმაციით, სკოლაში სპეციალური საგანმანათლებლო საჭიროების მქონე 68 მოსწავლეა.

„ინტეგრირებულ კლასში შექმნილია სპეციალური სასწავლო პროგრამა და სახელოსნოები, რომელთაც დამატებით აჭარის განათლების, კულტურისა და სპორტის სამინისტრო აფინანსებს. თიხის საამქროში, ბავშვები თიხის დამუშავების ტექნოლოგიას და გაფორმებას, ხატვისა და ბატიკის შემსწავლელ ჯგუფში კი, ხელოვნებას ეზიარებიან. მოსწავლეებს სამინისტროს მიერ სპეციალურად მათთვის შეძენილი ავტობუსი ემსახურება“,-აღნიშნულია ინფორმაციაში.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა