ხელვაჩაური-ბათუმის დამაკავშირებელ ცენტრალურ საავტომობილო გზაზე სატრანსპორტო მოძრაობა აღდგა.

ცოტა ხნის წინ ე.წ. ოცნების ქალაქის მცხოვრებლებსა და სამართალდამცავებს შორის დაპირისპირება იყო.

ოცნების ქალაქის მცხოვრებლები აჭარის მთავრობის თავმჯდომარე თორნიკე რიჟვაძეს ინდივიდუალური ხელშეკრულებების გაფორმებას სთხოვენ. მათი თქმით, შიშობენ, რომ „ოცნების ქალაქში“ მშენებარე კორპუსებიდან ფართებით ყველა ვერ დაკმაყოფილდება.

"ხვალ, 14:00 საათზე აჭარის ჯანდაცვის სამინისტროსთან შევიკრიბებით და აქციას გავმართავთ. არ გავჩერდებით, ვიდრე ცნობილი არ გახდება, რამდენი ადამიანი დაკმაყოფილდება ფართებით. 9 წელია გაუსაძლის პირობებში ვცხოვრობთ და ვითხოვთ ნორმალურ საცხოვრებელს",- აცხადებს აქციის მონაწილე მარინა ბერიძე.