რუსთავის მუნიციპალიტეტი, მსოფლიოში დაუნის სინდრომის დღის აღნიშვნას შეუერთდა.
მუნიციპალიტეტის მერიის ინფორმაციით, რუსთავის მერი ირაკლი ტაბაღუა, საკრებულოს თავმჯდომარე ლევან ონიანი, საკრებულოს დეპუტატებთან, სახელოვნებო, სპორტისა და ახალგაზრდობის განვითარების ცენტის ხელმძღვანელ დავით შანიძესთან ერთად, რუსთავის შეზღუდული შესაძლებლობების მქონე პირთა დღის ცენტრს ესტუმრნენ.
ქალაქის ხელმძღვანელმა პირებმა, დღის ცენტრის აღსაზრდელებს საჩუქრები, სადღესასწაულო ტორტი მიუტანეს და მათთან ერთად, სხვადასხვა აქტივობებში მიიღეს მონაწილეობა.
21 მარტი 2011 წელს, გაერთიანებული ერების ორგანიზაციის ეგიდით, დაუნის სინდრომის საერთაშორისო დღედ გამოცხადდა. ამ დღეს, დაუნის სინდრომის შესახებ ცნობადობის ამაღლების მიზნით სხვადასხვა ღონისძიება იმართება მსოფლიოს მრავალ ქვეყანაში, მათ შორის, საქართველოში. წელს დაუნის სინდრომის დღის ლოზუნგია, „ჩვენ ვაკავშირებთ“.