მარნეულში სამოქალაქო აქტივისტები ნოვრუზ ბაირამთან დაკავშირებით ე.წ. „კომენდანტის საათს“ არღვევენ.

მათი განცხადებით, „მოძრაობა საქართველოსთვის“ და „ევროპული საქართველოს“ ახალგაზრდული ფრთა ადგილობრივ მოსახლეობასთან ერთად აპროტესტებენ მთავრობის გადაწყვეტილებას, რომლის მიხედვითაც, აზერბაიჯანული თემის მოთხოვნა დღესასწაულთან დაკავშირებით, ერთი დღით გაუქმებულიყო „კომენდანტის საათი“, არ დაკმაყოფილდა.

ამ წუთებში აქტივისტები ასრულებენ სადღესასწაულო რიტუალს, ადგილზე მათ მიტანილი აქვთ ეროვნული ტკბილეული და ჯეჯილი, ტრადიციისამებრ დაანთეს ასევე კოცონიც.

აქციის მონაწილეების თქმით, მოგვიანებით შესაძლოა, მსვლელობაც გამართონ.