FAO იდენტიფიკაცია-რეგისტრაციის პროგრამის მომხმარებლების გადამზადებას განაგრძობს

გაეროს სურსათისა და სოფლის მეურნეობის ორგანიზაცია (FAO) ცხოველთა იდენტიფიკაცია-რეგისტრაციის (NAITS) პროგრამის ფარგლებში, სახელმწიფო ვეტერინარებისა და სურსათის ეროვნული სააგენტოს თანამშრომლების გადამზადების პროცესს განაგრძობს.

როგორც „ინტერპრესნიუსს“ გაერო-ს სურსათისა და სოფლის მეურნეობის ორგანიზაციიდან აცნობეს, იდენტიფიკაცია-რეგისტრაციის სისტემა, რომელიც სურსათის უვნებლობის ერთ-ერთი მნიშვნელოვანი ჯაჭვია, 2016 წლიდან თვისობრივად ახალ საფეხურზე გადავიდა.

შეიქმნა ფერმერთა ელექტრონული ბაზა, სადაც მსხვილფეხა და წვრილფეხა პირუტყვისა და მათი მომვლელის შესახებ ინფორმაცია რეგისტრირდება.

სისტემა, ერთი მხრივ ეხმარება სურსათის ეროვნულ სააგენტოს ცხოველისა და ცხოველური ნაწარმის მიკვლევადობაში (ბაზაში არსებული ინფორმაციის საფუძველზე, შესაძლებელია, როგორც ფერმის, ასევე ფერმის მეპატრონისა და მის მფლობელობაში არსებული ცხოველების მოძებნა), ხოლო მეორე მხრივ, მნიშვნელოვნად ამარტივებს ველზე მომუშავე ვეტერინარების საქმიანობას, რომლებიც ცხოველისა და მისი მფლობელის შესახებ ინფორმაციას აგროვებენ.

ელექტრონული პროგრამა, ეტაპობრივად, სრულად ჩაანაცვლებს ვეტერინარების მიერ გამოყენებულ ქაღალდის ფორმებს, შესაბამისად ვეტერინარები შეძლებენ ინფორმაცია: ცხოველის, მისი მეპატრონის, ცხოველისათვის ჩატარებული აცრების შესახებ პირდაპირ ელექტრონულ ბაზაში შეიყვანონ.

NAITS პროგრამის თანამშრომლები, გასული წლიდან, ბაზის გამოყენებაში ატრეინინგებენ სურსათის ეროვნული სააგენტოს თანამშრომლებს, რომლებიც აღნიშნულ ცოდნას სააგენტოს დაქირავებულ ვეტერინარებს გადასცემენ. პროგრამას, მრავალი მოდული აქვს და მის გამოყენებას ეტაპობრივად შეძლებენ, ბიზნეს ოპერატორები, სასაკლაოს ვეტერინარები და რაღა თქმა უნდა ფერმერები.

NAITS პროგრამის ხელმძღვანელი მიხეილ სოხაძე, პროგრამის ბენეფიტებზე ამახვილებს ყურადღებას და ამბობს, რომ აცრილი და იდენტიფიცირებული ცხოველის მფლობელები, დაცული არიან ცხოველური და ცხოველიდან ადამიანზე გადამდები დაავადებებისგან. ასეთი ცხოველებისგან წარმოებული სურსათი უსაფრთხოა მოხმარებისთვის.

„პროგრამა არამხოლოდ ფერმერებისთვისაა სასარგებლო, არამედ ქვეყნისთვის, რომელიც პროგრამის დანერგვის და სრულფასოვნად ამუშავების შემდგომ, შეძლებს, ცხოველური ნაწარმი უფრო აქტიურად გაიტანოს ევროპულ ბაზარზე“, - აცხდებს მიხეილ სოხაძე.

მნიშვნელოვანია აღინიშნოს, რომ NAITS პროგრამა მაქსიმალურადაა დაახლოებული ევროპულ სტანდარტებს. ამის დასტურია ისიც, რომ პროგრამა, სარგებლობისთვის მოითხოვეს ევროკავშირის კანდიდატმა ქვეყნებმა (მაგ. ჩრდილოეთ მაკედოანია), რომლებიც სისტემის მოძველებული ვერსიებს ფლობენ.

პროგრამა DSFTA -ის ნაწილია და იგი შვეიცარიისა (SDC) და ავსტრიის განვითარების თანამშრომლობის (ADC) სააგენტოების ფინანსური მხარდაჭერით ხორციელდება.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე