ბოლნისის მუნიციპალიტეტის მერმა საგანმანათლებლო-სარეაბილიტაციო ცენტრის აღსაზრდელებს დაუნის სინდრომის საერთაშორისო დღე მიულოცა

ბოლნისის მუნიციპალიტეტის მერი დავით შერაზადიშვილი, მერიის სოციალური და ჯანდაცვის სამსახურის უფროსთან ერთად ბოლნისის საგანმანათლებლო-სარეაბილიტაციო ცენტრ ,,განთიადს" ესტუმრა და აღსაზრდელებს დაუნის სინდრომის საერთაშორისო დღე მიულოცა. ამის შესახებ „ინტერპრესნიუსს“ ბოლნისის მუნიციპალიტეტის მერიის პრესსამსახურიდან აცნობეს.

მათი ინფორმაციით, მერმა დღის ცენტრის ბენეფიციარებს ტკბილეული გადასცა და სამახსოვრო ფოტო გადაიღო. პრესსამსახურის ცნობით, დღის ცენტრის აღსაზრდელებმა ბოლნისის მერს საკუთარი ხელით დამზადებული ბლოკნოტი უსახსოვრეს.

როგორც ბოლნისის მუნიციპალიტეტის მერიაში აღნიშნავენ, საგანმანათლებლო-სარეაბილიტაციო ცენტრი ,,განთიადი", ბავშვზე ზრუნვის სტანდარტის შესაბამისად, 2009 წლიდან ფუნქციონირებს. ცენტრში ამჟამად 21 აღსაზრდელი ირიცხება, რომლებიც ინკლუზიურ სწავლებას გადიან.

,,საგანმანათლებლო-სარეაბილიტაციო ცენტრის აღსაზრდელებს დაუნის სინდრომის საერთაშორისო დღე მივულოცეთ. ჩვენ ვცდილობთ, თანასწორი გარემო შევქმნათ და ამ ადამიანების საზოგადოებაში სრულ ინტეგრაციას ხელი შევუწყოთ. ამ მხრივ ბოლნისის მუნიციპალიტეტი არაერთ სოციალურ პროექტს ახორციელებს და მომავალში ამ სერვისების კიდევ უფრო გაუმჯობესებას ვგევმავთ. მინდა ვისურვო, ისეთ საზოგადოებაში გვეცხოვროს, სადაც ქრომოსომებს არასდროს დაითვლიან",- განაცხადა ბოლნისის მუნიციპალიტეტის მერმა დავით შერაზადიშვილმა.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა